Teacher and student don die for school shooting- United State

One teacher and one student don die on Monday morning afta say one 15-year-old female student for private Christian school for Madison, Wisconsin com open fire, police talk say di suspect also don die for di scene.

Madison police receive 911 call from one second grader for Abundant Life Christian School, one K-12 academy with approximately 390 students, at 10:57 a.m. CT alert dem about di shooting.

Wen dem com reach for di scene, dem see di suspect, wey Madison police identify as Natalie Rupnow, with gunshot wound.

She die for road as dem dey carry am dey hospital, Madison Police Chief Shon Barnes talk for Monday night news conference.

“One teacher and one teenage student don die for di scene for di school,” Barnes talk. “Six oda students and one teacher don get injury and dem take dem go area hospitals.

“Two students remain wey dey for critical condition and dem get life-threatening injuries.”

Anoda teacher and three additional students dey receive treatment for “non-life-threatening injuries” and dem don release two of dem from di hospital.

“At dis time we believe say only one shooter dey involved,” Barnes talk.

For earlier press conference, police talk say dem don recover di weapon wey dem use for di shooting, wey Barnes talk say happen for classroom study hall wey get “students of mixed grades.”

Di suspect

Di motive for di shooting dey under investigation and di family of di suspect, wey dem dey call Samantha, don dey cooperate with police, Barnes talk.

Barnes also talk say nothing “suggest say di school be place wia violence go fit occur” and him add say him no dey aware of any prior contact wey di suspect fit don get with police.

“Everyone wan know wetin lead up to dis,” Barnes talk. “Any additional threats to public safety dey?”

“Dis pesin, or di pipo, dey by themselves? Plenty questions dey wey we find answer, but we get to answer di safety questions first.”

Barnes talk say di evidence suggest say Rupnow die of self-inflicted gunshot wound but di official cause of di death go dey determined by medical examiner.

“One document about dis shooting don dey circulate for dis time for social media but we neva verify dia authenticity,” Barnes talk.

Wen dem ask how Rupnow take get di gun wey dem use for di shooting, Barnes talk say “Dat na something wey go be part of dis investigation.”

Anxious moments for parents

Police don com di all di students from di school go place wey dem go dey safe, then transport dem by bus to di nearby health clinic wey act as “reunification center” wia dia families fit com pick dem up.

Rob Nelson don receive first alert of di shooting by text from him 14-year-old daughter, wey write “no be drill we hear popping,” di Washington Post report.

Waiting to reunite with her 12-year-old son, Viktoriya Gonzales, tell di New York Times say she dey hear say him dey safe but him don dey “severely traumatized, because him dey right by di shooter.”

Dis no suppose happen

For one nation wey don already record more than 300 school shootings for 2024, di mood among di officials for Monday’s press conference na disbelief say di trend don finally reach Madison.

“I dey feel a little dismayed now, so close to Christmas,” Barnes talk.

“Every pikin, every pesin for dat building na victim and go be victim forever.”

Madison Mayor Satya Rhodes-Conway echo di grim reality her community dey face now.

“I don talk before say I think we need to do beta for our country and our community to prevent gun violence.”

“And I hope say dis day no go eva com for Madison,” Rhodes-Conway talk for di press conference.”

“E no be something wey any mayor, any fire chief, any police chief, any pesin for public office go eva wan deal with.”

Wisconsin Gov. Tony Evers order flags for di state to dey fly at half-staff until December, 22 to honor di victims.

“E dey unthinkable say pikin or educator fit wake up and go school one morning and no com back house,”

Evers talk for statement. “Dis no suppose eva happen, and I no go eva accept dis as foregone reality or stop to work to change am.”

For statement, Joe Biden call di latest school shooting “shocking and unconscionable” and him dey urge Congress to pass universal background checks for firearm purchases, national red flag law and ban on assault weapons.

“From Newtown to Uvalde, Parkland to Madison, to so many oda shootings wey no dey receive attention.”

“E dey unacceptable say we no fit protect our children from dis scourge of gun violence,” Biden talk for him statement.

Training day

Barnes note say police bin dey conduct school shooting training exercise 3 miles from Abundant Life Christian School wen dem receive di 911 call.

“Wetin start as training day becom actual day,” Barnes talk.

Wen reporter ask how safe parents suppose dey feel to dey send dia children to school afta Monday’s shooting, Barnes give blunt response:

“All I fit tell you be say we get systems in place so dat if something happen, we fit respond like we do today.”

“I think you dey ask me how I fit say 100% say no child go eva dey harmed for school? I no fit. No police chief fit,” Barnes talk.

Wisconsin

Wisconsin na state for di United States wey dey located for di Midwest region.

E get bordered with di Minnesota for di West, Lowa for di Southwest, Illinois to di South, Lake Michigan to di East, and Lake Superior to di North.

Di capital city of Wisconsin na Madison, and di largest city na Milwaukee.

Wisconsin dey known for dia dairy production, especially cheese, and e dey often referred to as “America’s Dairyland.”

Di state also get rich history and plenty natural beauty, including lakes, forests, and parks.

E dey popular for outdoor activities like fishing, hiking, and skiing.

For Diaspora Digital Media Updates click on Whatsapp, or Telegram. For eyewitness accounts/ reports/ articles, write to: citizenreports@diasporadigitalmedia.com. Follow us on X (Fomerly Twitter) or Facebook