Elon Musk papa talk say Elon Musk suppose step down as CEO

Elon Musk papa talk say e go be ‘big concern’ if Elon suppose step away from board meetings for him companies to ‘go to government’

Errol Musk, di papa of billionaire entrepreneur Elon Musk, recently talk about him son new role for Donald Trump administration, wia Elon Musk and Vivek Ramaswamy dem appoint to lead di newly formed “Department of Government Efficiency” (DOGE).

Di planned presidential advisory commission dey aim to take reduce waste, cut bureaucracy and improve efficiency across federal agencies.

For interview, Errol Musk don give some insight for how e feel about him pikin Elon Musk new position.

Him express mixed emotions, mostly around di potential impact on Elon commitments to him many companies, including Tesla (NASDAQ:TSLA), SpaceX and X.

According to Errol, to get Elon Musk for di government role dey exciting but also e go bring some real concerns about him time.

Di Balancing Act for Elon Musk

Errol Musk don acknowledge say him pikin Elon Musk new government role dey significant but him note say him pikin don already get plenty things wey him dey do.

With him existing leadership positions, to come take anoda government role add even more to di plenty-plenty busy schedule.

“Elon Musk get plenty-plenty task for him hands,” Errol talk.

“E get couple of hundred thousand employees and plenty very serious things dey go on for him life, so e suppose dey available for all wey e start, him no fit just walka come from all dis things dem.”

E add, “To get am sit for office some wia for Washington, make him dey wait and twiddle him thumbs na no, no.

“E suppose just dey called upon as assort of a consultancy basis.”

Errol Musk make am clear say e no entirely dey comfortable with Elon Musk to dedicate plenty time to government work if e dey come at di expense of him businesses.

E go be “big concern” if e suppose step away from di board meetings and oda company responsibilities to go to government.

Why Elon Musk Dey Well-Suited for Government Efficiency

Errol Musk also dey praise him son ability to improve efficiency, as him dey cite him experience for turning struggling businesses into highly productive and profitable entities.

E highlight Elon drastic staff cuts for X afta di acquisition, reducing di workforce from 8,500 employees to about 1,000 while still making di platform run beta than before.

“I no fit think of anyone more qualified for di role like dis my pikin Elon Musk,” Errol talk.

“Him don always dey frugal. As young boy, him wan do things as cheaply, beta and quicker than anyone else.”

E suggest say Elon management style fit translate well into eliminating some unnecessary expenses and improving productivity for di government agencies.

“Pipo wey dia lives dey wasted for jobs wey no get real productivity fit dey released to do di more productive employment and I think say na very good thing,” Errol add.

For Diaspora Digital Media Updates click on Whatsapp, or Telegram. For eyewitness accounts/ reports/ articles, write to: citizenreports@diasporadigitalmedia.com. Follow us on X (Fomerly Twitter) or Facebook