Putin say him don dey ready to meet Trump anytime

Russian President Vladimir Putin talk for annual press conference say him don dey ready to meet wit di US President-elect Donald Trump anytime any day.

According to report, while him dey talk of di importance of Russia’s position of strength for Ukraine, Putin com add say di Kremlin dey ready for “negotiations and compromises,” but him dey warn say temporary ceasefire go only give Kyiv chance to regroup.

Sources close to di Kremlin believe say Putin dey open to discuss Ukraine deal witTrump wey go include demand for Kyiv to give up on dia NATO ambitions and to limit di size of dia army.

Trump’s special envoy for Ukraine and Russia don reportedly dey plan how to take go visit Kyiv for January and dem don signal openness to travel go Moscow if dem invite am as di incoming US administration dey seek to end di war.

Analysts and former officials get different views for di relationship mata between Trump and Putin.

Veteran journalist Bob Woodward report say Trump’s former director of national intelligence talk say di relationship dey “so close, e be like say e fit be blackmail sef.”

In contrast, some Republicans don point to Trump’s criticism to Russia’s Nord stream pipeline, say him decision to arm Ukraine wit anti-tank weapons, and clashes between US troops and Russian mercenaries for Syria as proof say he no be friend to di Kremlin.

While Trump’s second term posture still neva dey clear, him don tell Ukrainian and French officials say him no dey support Ukrainian NATO membership, but him want strong Ukraine wit European peacekeepers for di ground to take emerge from di negotiations.

Experts dem dey caution say any negotiations go face uphill battle.

Sources: Center for Strategic and International Studies, Foreign Affairs, Di Economist

Just small fraction of modern wars don end for di negotiated settlements, and di opposing parties no go likely reach agreement if one side believe say dem fit win outright, two experts from di Center for Strategic and International Studies write.

Putin seem to dey believe say him fit continue di war, endure di West and Ukraine, and e fit drag out any negotiations while making battlefield advances, na so dem add.

Some experts don call for tougher sanctions on Russia to take strengthen Trump’s hand for di future talk, while plenty incoming administration officials don float threatening more aid to take Kyiv unless Putin accept di settlement.

Ukraine’s allies dey divided ova push for peace talks

Ukraine’s allies dem don dey divided ova di potential for di peace talk, wit some open welcoming of di prospect while odas still dey stress say such discussions dey premature.

“No point to dey push Zelenskyy to talk wen Putin sef no wan talk, Kala Kallas, di European Union’s top diplomat, na him tell talk.

NATO boss Mark Rutte don echo di sentiment “If we start to dey discuss among ourselves wetin peace deal fit dey look like, we go make am so easy for di Russians.”

Di Netherlands, meanwhile, believe say European kontri suppose take di initiative to take start negotiations, for some part to out-flank di potential for Donald Trump and Vladimir Putin to work up settlement without Europeans for di table, di Dutch defense minister tell talk.

For Diaspora Digital Media Updates click on Whatsapp, or Telegram. For eyewitness accounts/ reports/ articles, write to: citizenreports@diasporadigitalmedia.com. Follow us on X (Fomerly Twitter) or Facebook