wahala for Naija- 29 pikin fit get death sentence for protest wey dem do against cost of living

Twenty-nine 29 pikin fit face death penalty for Naija afta dem carry dem go court on Friday bicos dem join protest against di country wey cost of living don high pass before.

Four of dem collapse for court bicos dem dey tire before dem fit talk anything.

Total of 76 protesters dey face 10 serious charges, wey include treason, destruction of property, public disturbance and mutiny, according to di charge paper wey Di Associated Press see.

According to di charge paper, di minors dey between 14 to 17 years old.

Frustration wey dey over cost of living wahala don cause plenty mass protests for recent months.

For August, at least 20 pipo don get shot and hundreds more don arrest for protest wey dey demand beta opportunities and jobs for young pipo.

Death sentence don enter for 1970s for Naija, but since 2016, no execution don happen for di country.

Akintayo Balogun, one private lawyer wey dey based for Abuja, talk say Child Rights Act no allow any pikin to face criminal case and get death sentence.

“So to carry minors go federal high court na wrong thing, ab initio, unless if government fit prove say di boys all dey above 19 years,” Balogun talk.

Di court finally gree 10 million naira ($5,900) bail for each of di defendants and put strict conditions wey dem never meet, Marshal Abubakar, lawyer for some of di boys, talk.

“Country wey suppose to educate im children go decide to punish dem.”

“Dis children don dey detention for 90 days without food,” Abubakar talk.

Yemi Adamolekun, executive director of Enough is Enough, one civil society organization wey dey promote good governance for Naija, talk say authorities no suppose dey prosecute children.

“Di chief justice for Naija suppose dey shame, she be woman and mother,” Adamolekun talk.

Despite say Naija dey among di top crude oil producers for Africa, e still be one of di poorest countries for di world.

Chronic corruption mean say di lifestyle of im public officials no dey match wetin di general population dey experience.

Medical professionals dey often strike to protest di small wages wey dem dey collect.

Di politicians and lawmakers for di country, wey pipo dey accuse of corruption, na some of di best-paid for Africa.

Even di president wife her office no dey for di constitution dey enjoy SUVs and oda luxuries wey taxpayers dey fund.

Naija get population of over 210 million pipo di largest for di continent and dem dey among di hungriest for di world, plus di government dey struggle to create jobs.

Di inflation rate dey at 28-year high and di local naira currency dey at record low against di dollar.

On Thursday, Naija bin classify as “hotspot of very high concern,” for one report wey come from United Nations’ food agencies, as plenty pipo dey face or go face critical levels of acute food insecurity for di West African country.

For Diaspora Digital Media Updates click on Whatsapp, or Telegram. For eyewitness accounts/ reports/ articles, write to: citizenreports@diasporadigitalmedia.com. Follow us on X (Fomerly Twitter) or Facebook